Princi George ka shprehur një dëshirë të veçantë për të ardhmen e tij, duke thënë se dëshiron të punojë si kuzhinier para se të marrë rolin e tij mbretëror. Kjo u zbulua gjatë një vizite të familjes mbretërore në një restorant në Norfolk, ku i pranishëm ishte edhe 11-vjeçari.
Pronari i restorantit, MacCarthy, ndau se gjatë vizitës, Princi George u emocionua kur pa furrën e picës me dru. Ai tha se pas kësaj takimi, George shpalli:
Kështu dua të bëj kur të rritem!
Kjo dëshirë e princit ka prekur shumë ata që ishin të pranishëm.
Megjithatë, MacCarthy theksoi se është i trishtuar që dëshira e princit nuk do të realizohet, pasi restoranti i tij do të mbyllet në nëntor pas 17 vitesh aktivitet. Ai shpjegoi se rritja e kostove, çmimi i lartë i energjisë dhe vështirësitë në rekrutimin e stafit e kanë bërë të pamundur mbajtjen e biznesit.
Ka pasur një rritje të kostove, energjia elektrike është shumë e lartë dhe ka qenë e vështirë të rekrutosh staf. Pavarësisht se kemi pasur një verë shumë të ngarkuar, është e vështirë të drejtosh një biznes 12 muaj në vit nëse është sezonal dhe fitimprurës vetëm për disa muaj
– shpjegoi MacCarthy.
Ky moment me princin George tregon një anë të tij më të thjeshtë dhe më të afërt me njerëzit, duke theksuar se edhe ata që janë në pozita të larta kanë ëndrrat dhe pasionet e tyre.
