Duket se për çiftin e famshëm, Wanda Nara dhe Mauro Icardi, nuk do të ketë kurrë qetësi. Mediat argjentinase shkruajnë për një krisje të re në marrëdhënien e tyre. Madje ata janë të sigurt se modelja e famshme ka kërkuar sërish divorcin nga futbollisti i Galatasarayt. E duket se këto lajme i ka konfirmuar vetë modelja, pasi Wanda i ka dërguar së fundmi një mesazh Luis Venturas, i cili aktualisht është në krye të A la tarde (America TV). Në mesazhin në fjalë, Nara pranon se lidhja e saj me Mauro-n, me të cilin u martua në vitin 2014 dhe ka dy vajza, Francesca dhe Isabella, kishte marrë fund.
“Mund t’i thuash ekipit tënd të mos flasë kaq shumë marrëzi”, ishte mesazhi i parë që Wanda i dërgoi Venturas, e mërzitur nga numri i madh i spekulimeve që anëtarët e emisionit bënë për ndarjen.
Dhe më pas erdhi konfirmimi: “Jam ndarë”.
Ndërsa në një mesazh tjetër, Wanda shpjegoi pse, pavarësisht krizave, ajo vazhdoi lidhjen me Icardin.
Për arsye personale dhe shëndetësore u përpoqa edhe një herë…
Ndërkohë kujtojmë se kjo nuk është hera e parë që të dy ata po kalojnë krisje në marrëdhënie. Në vitin 2021, ata u bënë pjesë e një skandali, me modelen China Suarez që tregoi se kishte kryer marrëdhënie me Icardin ndërkohë që ai ishte i martuar me Wandën.
Po ashtu, në vitin 2022, modelja kërkoi divorcin nga sulmuesi, duke marrë të pesë fëmijët e saj dhe duke u larguar drejt Argjentinës, ndërkohë që ai po bëhej gati për transferimin në Turqi, por gjërat morën një rrjedhë tjetër dhe ata u rikthyen sërish bashkë.
Ata kanë qenë së bashku prej 10 vitesh, me çiftin që ka dy fëmijë, teksa Wanda ka dhe tre të tjerë me ish-futbollistin, Maxi Lopez.
