Gjyqi i Andrew Tate dhe vëllait të tij Tristan do të vazhdojë, kjo sipas një gjykate në Rumani. Nuk është caktuar një datë nga gjykata që ka shqyrtuar provat e prokurorëve dhe dyshja kanë apeluar. Andrew Tate, 37 vjeç dhe Tristan, 35 vjeç, u arrestuan dhjetorin e kaluar mbi akuzat për përdhunim, trafikim njerëzor dhe formim të një bande kriminale, gjë që ata e mohojnë.
Personalitetet e internetit kërkohen gjithashtu në Mbretërinë e Bashkuar për shkelje seksuale që dyshohet se janë kryer atje. Vëllezërit Tate, të cilët janë shtetas të dyfishtë MB-SHBA, akuzohen për shfrytëzimin e grave nëpërmjet një biznesi të përmbajtjes për të rritur, të cilin prokurorët pretendojnë se vepronte si një grup kriminal. Dy bashkëpunëtore rumune u përmendën gjithashtu së bashku me vëllezërit në një padi të botuar në qershor të vitit të kaluar dhe u identifikuan shtatë viktima të supozuara. Ai ka thënë vazhdimisht se:
Prokurorët rumunë nuk kanë prova kundër meje dhe se ka një komplot për të më mbyllur gojën.
Ai ka ndezur sërish debat në rrjetet sociale me një prej komenteve të tij në X. I njohur për qëndrimet e tij provokative dhe të diskutueshme, Tate vjen me një deklaratë që ka ngjallur reagime të forta dhe diskutime të ashpra. Ai shkruan se:
Seksi është për të bërë fëmijë. Çdo burrë që bën seks me femra sepse ndihet mirë është homoseksual. ‘Oh, shkrimi im është i bukur, kjo është e mrekullueshme!’ Në fakt, nëse je 40 vjeç dhe ke më pak se pesë fëmijë, me siguri je gay dhe thuajse asnjë trashëgimi gjenetike.
Megjithatë, ky njoftim nuk ka mbetur pa u vënë re nga vetë platforma e X (ish-Twitter,) e cila reagoi menjëherë duke shënuar postimin si kontrovers. Rrjetit social iu desh të qartësojë që një person që bën seks me femra është heteroseksual, një pohim që vjen në kundërshtim me tezat e Tate. Kjo është vetëm një nga herët kur rrjetet sociale kanë pasur nevojë të ndërhyjnë për të korrigjuar ose qartësuar deklarata të tilla të diskutueshme.
