Disa besojnë se ushqimi që bie në dysheme për një periudhë të shkurtër kohe mbledh më pak baktere sesa ushqimi që mbetet atje për një periudhë më të gjatë kohore. Kjo njihet ndryshe si “rregulli i artë i pesë sekondave” dhe shumë prej nesh e kanë zbatuar, aq më tepër nëse bëhet fjalë për një ushqim që e shijojmë shumë.
Megjithatë, studimet kanë treguar se bakteret mund të ngjiten në ushqimin tuaj pothuajse menjëherë. Kjo do të thotë që edhe ndjekja e rregullit të pesë sekondave mund të mos jetë e mjaftueshme për të mbajtur ushqimin tuaj të sigurt. Ndonëse është joshëse të kurseni një kafshatë të shijshme që e keni marrë shpejt nga dyshemeja, është më e sigurt të bëni kujdes dhe ta hidhni atë, veçanërisht nëse është ulur në një sipërfaqe publike ose është prekur nga një mizë.
Ndërkaq, koha më e mirë për të filluar me një dietë më të shëndetshme nuk është “nesër” dhe as “java e ardhshme”, por sot dhe tani. Në fakt, nuk ka asnjë moment të keq për të dhe duhet vetëm pak planifikim dhe motivim për të filluar. Megjithatë kur përballemi me ‘vendime të mëdha’ si këto, na duket se negociatat mes policisë dhe grabitësve të bankave janë shumë të thjeshta në krahasim me negociatat që bëjmë me veten përballë pjatës. E gjithë çka duhet të bëni është të ndaloni stomakun nga drejtimi i lojës dhe të vendosni mendjen në punë. Këtë mund ta bëni fare thjesht me disa truke të vogla, që do ju vijnë shumë në ndihmë.
