Zbuloni disa nga ngjarjet më të bujshme në rrjet të javës që lamë pas…
1. Adele përfundoi koncertet e saj në Mynih javën e kaluar duke i thënë fansave: “Nuk do t’ju shoh për një kohë shumë të gjatë”. Ylli britanik shtoi: “Thjesht kam nevojë për pushim. Kam kaluar shtatë vitet e fundit duke ndërtuar një jetë të re për veten time dhe dua ta jetoj tani”. Sipas DailyMail, Adele refuzoi një mundësi prej 200 milionë dollarëshe, më e madhja në karrierën e saj për të zgjatur turneun e saj.
2. Aktori Ryan Reynolds ka zbuluar se çfarë mendon për skenat intime të bashkëshortes së tij, Blake Lively. Çifti ka pasur shpesh role ku duhej të ndanin skena intime me aktorë të tjerë, por Reynolds pohon se nuk e ka problem ta shikojë gruan e tij në situata të tilla.
Nuk më shqetëson shumë. Nuk e mendoj në një mënyrë rrëqethëse. Ajo që njerëzit nuk e kuptojnë është se ka 50 ose 60 anëtarë të lodhur dhe të uritur në grup që qëndrojnë menjëherë pas tyre.
3. Anya Taylor Joy u pyet së fundmi në një intervistë të fundit për rolin që ëndërron t’i ofrohet në një moment gjatë karrierës së saj. Siç u përgjigj ajo, bëhet fjalë për rolin e Elsës në filmin e animuar, ‘Frozen’. Aktorja 28-vjeçare theksoi se do të donte të bënte një muzikal pasi është e varur nga puna e palodhur. Ndërkohë, ajo shprehu dëshirën e saj për të luajtur mbretëreshën e ‘Frozen’, në rast të një versioni ‘live-action’ të filmit.
4. George Clooney ka mohuar pretendimet se ai dhe Brad Pitt u paguan me nga 35 milionë dollarë për filmin Wolfs. Javën e kaluar, New York Times raportoi se aktorët morën secili mbi 35 milionë dollarë për rolet e tyre në komedinë aksion të regjisorit Jon Watt. Duke iu adresuar raportimeve gjatë një konference për shtyp në premierën e filmit Wolfs në Festivalin e Filmit në Venecia, Clooney mohoi pretendimet. “Ishte një artikull interesant dhe cilido qoftë burimi i saj për pagën tonë, është miliona e miliona e miliona dollarë më pak se sa u raportua”-filloi ai.
5. Romeo Beckham flitet se është larguar nga klubi i tij i futbollit në Premier League për t’ju fokusuar karrierës së modelingut. Sipas The Sun, mesfushorit iu ofrua një kontratë e re nga Brentford FC në qershor për të qëndruar me ekipin e tyre B por, siç duket Romeo, shpreson të ndjekë hapat e nënës së tij Victoria Beckham, teksa nënshkroi me agjencinë e modës, Safe Management.
