Zbuloni disa nga ngjarjet më të bujshme në rrjet të javës që lamë pas…
1. Cristiano Ronaldo dhe partnerja e tij, Georgina Rodriguez, janë bërë objekt talljeje në rrjet për pemën e Krishtlindjeve dhe dhuratat që kanë blerë këtë periudhë festive. Rodriguez ka publikuar në Instagram disa imazhe nga shtëpia me ndjekësit e saj, siç bëri edhe këtë Krishtlindje duke treguar dhuratat që Babagjyshi u solli fëmijëve të saj. Modelja tregoi se si e kaloi natën e Krishtlindjeve me fëmijët dhe futbollistin portugez, duke veçuar pemën e vogël të Krishtlindjes që zbukuroi dhomën e shtëpisë së tyre.
2. Duket se ardhmja e Sergio Ramos mund të jetë shumë larg futbollit. Mbrojtësi i Sevilla-s, ka publikuar një këngë me grupin Los Yakis në orët e fundit. Spanjolli është përfshirë në botën e muzikës para disa vitesh, megjithatë këngët e publikuara nga ai nuk kanë qenë të shumta. Ndërsa tashmë në moshën 37-vjeçare, kur duket se karriera në futbollin e luajtur është drejt perëndimit, Ramos është ripërfshirë në botën e muzikës, duke publikuar këngën “NO ME CONTRADIGAS”.
3. Edhe pse 77-vjeçe këngëtarja e muzikës ‘country’, Dolly Parton është ende aktive duke bërë këngë. Së fundmi ka pasur raportime se bashkëshorti i saj, Carl Dean, është në gjendje të keqe shëndetësore. Ndërkaq, disa thashetheme kanë qarkulluar rreth këngëtares, kryesisht në lidhje me martesën e saj me Dean, me të cilin është martuar prej 57 vitesh. Kohët e fundit, në një intervistë me Saga Exceptional, Parton foli për thashethemet se dikur e kishte tradhtuar bashkëshortin.
Kam dëgjuar shumë thashetheme të çmendura të bukura për mua gjatë viteve. Disa nga më të këqijat që kam dëgjuar ka qenë se gjoja kam pasur një lidhje me të gjithë ata me të cilët kam punuar ndonjëherë.
4. Buckingham Palace është në kërkim të një operatori të ri telefonik. Detyra e tij është t’u përgjigjet 4000 telefonatave të marra çdo javë në rezidencën mbretërore. Kjo është jo më pak se 208,000 thirrje në vit. Në një deklaratë, të raportuar nga Daily Mail, operatori duhet të punojë në pallat 38 orë në javë dhe paguhet 26,000£ në vit, 9,000£ më shumë se paga minimale angleze.
5. Kolumbia i ka dedikuar Shakirës një statujë 6 metra në qendrën e qytetit të saj të lindjes, në Barranquilla. Artisti Yino Márques krijoi një statujë të veçantë kushtuar këngëtares, që tregonte lëvizjen e saj më të njohur të kërcimit nga videoklipi i vitit 2005 për “Hips Don’t Lie”. Ishte vetë këngëtarja që ka postuar fillimisht një foto të prindërve të saj, që pozonin të buzëqeshur para statujës së saj. “Më bën të lumtur ta ndaj këtë me prindërit dhe veçanërisht mamanë time në ditëlindjen e saj”, shkroi fillimisht këngëtarja.
