Aktori James Hong bëri bëri për të qarë gazetaren e MSNBC, Katie Phang, kur i bëri një pyetje për babain e saj të ndjerë gjatë një interviste. Hong, një aktor amerikan 94-vjeçar me origjinë kineze, luajti në filmin hit të vitit të kaluar “Everything Everywhere All at Once”, i cili fitoi deri në shtatë çmime Oscar.
Me atë rast ai ka qenë i ftuar në emisionin “Katie Phang Show” në rrjetin televiziv MSNBC. Në një moment, Phang e pyeti nëse familja e tij ishte krenare, duke vënë në dukje se ajo vetë humbi babanë e saj katër vjet më parë. Aktori u kundërpërgjigj duke e pyetur nëse babai i saj kishte mundësi ta shihte atë si gazetaren e vetme me origjinë aziatike që kishte një shfaqje televizive me emrin e saj. Menjëherë, pas kësaj pyetje, gazetarja shpërtheu në lot.
Jo, në të vërtetë kam filluar të qaj që kur më pyete, ai vdiq nga Alzheimer dhe Dementia Lewy Body në Ditën e Babait në 2019.
Actor James Hong got MSNBC's Katie Phang choked up over this heartwarming question pic.twitter.com/TpOx3M7KtV
— CNN (@CNN) March 27, 2023
Hong deklaroi se edhe vajza e tij është aktore:
Ajo e bën mirë punën e saj, ashtu siç ju e bëni punën tuaj shkëlqyeshëm. Jam i sigurt se babai juaj do të krenohej me fëmijët tanë që kanë ecur përpara dhe mbajnë emrin tonë përpara, siç jam unë si baba.
Phang, duke fshirë lotët nga fytyra e saj me dorë, falënderoi Hong për fjalët e tij të mrekullueshme.
Faleminderit shumë. Më fal që qava, por më preku vërtet.
