Për të përfituar sa më shumë nga pushimet tuaja në Greqi gjatë udhëtimeve, ndiqni këto këshilla për paketimin e një valixhe për një javë. Një sasi që ju sugjerojmë janë: 3 funde, 2 palë pantallona liri, një palë xhinse, 10 bluza, 4 rroba banje, 8 fustane, 10 të brendshme, 2 pantallona të shkurtra, 12 palë çorape, 2 xhaketa, 2 syze dielli, 2 çanta, 3 palë sandale, 1 palë atlete, setin e makeup.
Zgjidhni pëlhura të lehta, si liri, pambuku dhe mëndafshi. Paketoni copa të kombinuara, si pantallona të shkurtra, funde dhe pantallona me ngjyrë neutrale që mund të kombinohen me bluza të ndryshme. Mos harroni të përfshini disa fustane për mbrëmje jashtë. Pantallona prej liri të cilat janë super të lehta dhe nuk zënë shumë hapësirë janë perfekte.
Greqia është e famshme për plazhet e saj mahnitëse, kështu që sigurohuni që të paketoni disa rroba banje, një kapele me strehë të gjerë, syze dielli dhe krem dielli. Greqia është një destinacion për eksplorim, kështu që paketoni këpucë të rehatshme për ecje ose sandale për të vizituar ndonjë vend, si dhe një palë këpucë më të bukura për mbrëmje.
Edhe pse vera është e nxehtë, mbrëmjet mund të bëhen më të freskëta, veçanërisht pranë bregdetit. Kur vendosni se çfarë të vishni në Greqi, sigurohuni që të keni parasysh shtresat. Paketoni një xhaketë të lehtë, triko ose shall për qëllime shtresimi.
