Janë prezantuar edhe kufjet e reja nga Apple, AirPods të gjeneratës së katërt. Këto kufje kanë “bas” më të mirë dhe ton më të qartë, me një hapësirë të personalizuar të tingullit falë arkitekturës akustike të azhurnimit. Është përmirësuar edhe izolimi akustik dhe përmes teknologjisë së inteligjencës artificiale përcillen edhe lëvizjet e kokës. Korniza për mbushje ka një port USB-C dhe mund të kenë kapacitet për 30 orë dëgjim të muzikës, pa patur nevojë për rimbushje.
Adaptive Audio është shtuar për t’u përshtatur automatikisht me mjedisin dhe aty është ende Conversation Aëareness, i cili fiket kur përdoren kufje, por nga Apple thonë se do të përmirësohet. Kufjet AirPods 4 do të kushtojnë 129 dhe 179 dollarë, varësisht nga opsioni që zgjedhin blerësit.
Apple synon të fillojë prodhimin masiv të një gjenerate të re AirPods të pajisura me kamera të integruara. Një hetim i fundit i zinxhirit të furnizimit nga analisti dhe sinjalizuesi më i madh i Apple, Ming-Chi Kuo, ofron një pasqyrë mbi planet e ardhshme të Apple për AirPods. Ai sugjeron në postimin e tij në blog që Apple synon të fillojë prodhimin masiv të një gjenerate të re AirPods të pajisur me kamera të integruara deri në vitin 2026.
Dizajni i ri pritet të përfshijë teknologjinë e kamerës infra të kuqe, e ngjashme me sistemin Face ID që gjendet në iPhone dhe iPad. Foxconn thuhet se është përzgjedhur si furnizuesi fillestar i këtyre kamerave IR, me një kapacitet prodhimi vjetor të parashikuar prej 18 deri në 20 milionë njësi. Kjo përkthehet në afërsisht 10 milionë AirPods, megjithëse numri aktual do të varet nga kërkesa e tregut. Synimi është të përmirësohet dëgjimi hapësinor në kombinim me pajisjen Apple Vision Pro.
