Ekzistojnë studime që provojnë se gjysma e femrave do të ndaheshin nga partnerët nëse nuk do të merrnin një dhuratë ditën e Shën Valentinit, prandaj nëse po prisni një dhuratë, mos mendoni se po kërkoni diçka të jashtëzakonshme
Ka gjasa që ai as të mos e kujtojë fare 14 shkurtin e aq më pak të të surprizojë me diçka. Çfarë bëhet në raste të tilla?
Shmangni pritshmëritë e mëdha
Mund t’ju pëlqejë kur dëgjoni për gjeste të mëdha romantike, por vetëm nëse partneri juaj është milioner, ndryshe mos prisni t’jua bëjnë dhuratë. Mesatarisht shpenzohen 142 dollarë me dhurata ditën e Shën Valentinit. Mund të duket si shumë, por për çdo individ të pasur që i blen të dashurës një makinë të shtrenjtë sportive, mijëra të tjerë dhurojnë një kuti çokollatash ose një shishe të lirë vere.
Përpiqu të mos reagosh, të paktën deri në darkë
Shumë njerëz presin të surprizojnë partnerët me dhurata në mbrëmje. Mbajeni vëth në vesh këtë, mbi të gjitha nëse nuk jetoni bashkë me partnerin. Mos u hidhni në përfundime nëse zgjoheni dhe s’gjeni një buqetë me lule tek dera.
Vazhdojeni ditën normalisht
Nëse jeni shumë të mërzitur, thjesht shtiruni sikur nuk është Shën Valentini. Mos dëgjoni radio, mos hapni televizorin dhe qëndroni larg rrjeteve sociale.
Mos u bëni xhelozë
Nëse jen në punë ditën e Shën Valentinit, mund të shihni koleget që u vijnë lule dhe çokollata. Ju s’dini asgjë rreth asaj që po ndodh në lidhjen e tyre. Blerja e të mirave materiale s’tregon domosdoshmërisht si ndihen në të vërtetë. Përpiqu të kujtosh të gjitha rastet kur partneri ju ka shprehur dashurinë.
Surprizojeni me dhuratën tuaj
Surprizojeni partnerin me dhuratën tuaj nëse e kishit menduar që në fillim. Partneri mund t’ju ketë blerë diçka fundja, por është i paqartë se kur duhet të shkëmbeni dhuratat.
