Cadillac ka ndërtuar disa koncepte të mahnitshme gjatë viteve, duke përfshirë Cien të vitit 2002 me një motor V12. Fatkeqësisht, ajo makinë nuk arriti kurrë në prodhim, por marka luksoze e General Motors nuk ka hequr dorë nga prezantimi i një supermakine. Shefi i dizajnit të GM, Michael Simcoe, e ka pranuar hapur se është i interesuar për idenë e një modeli.
“Do të donim të ndërtonim një hipermakinë”-tha Simcoe. Ai shtoi se modeli nuk do të duhej të jetë domosdoshmërisht plotësisht elektrik, por nuk e përjashtoi as një EV të pastër. Ndërkaq, Cadillac mbetet i përkushtuar ndaj sedanëve. Simcoe njoftoi se një model i ri do të prezantohet së shpejti për t’iu bashkuar Celestiq.
Rikujtojmë, se epokës së modeleve të lira të makinave të tipit Cadillac po i vjen fundi. XT4 SUV është ridizajnuar për vitin 2024 me stil të ri dhe një brendshme të përditësuar me teknologji nga makina e parë elektrike e markës. SUV-i nënkompakt merr fenerët e rinj të hollë dhe motorin e tij 2.0-litërsh turbocharge me katër cilindra 235 kuaj fuqi.
Fascat e saj të përparme dhe të pasme janë rifreskuar gjithashtu. Ndryshimi më i madh është brenda ku instrumentet e tij tradicionale dhe ekrani i sistemit info-argëtues janë zëvendësuar me ekranin LED 33 inç nga SUV-i elektrik Cadillac Lyriq. Njësia përfshin elementë të ekranit me prekje dhe mund të përdoret gjithashtu me një çelës rrotullues në tastierën qendrore.
