Butrint Imeri është një nga këngëtarët që prej vitesh po shijon një sukses të madh falë projekteve të tij muzikore, të cilat pëlqehen shumë dhe numërojnë miliona klikime.
Para pak ditësh artisti festoi ditëlindjen e tij në një nga resortet më luksoze të Tiranës ku nuk munguan disa nga emrat më në zë të showbiz-it, të cilët janë edhe miqtë e tij. Ajo që padyshim tërhoqi vëmendje ishte mungesa e atij që Butrinti e konsideron si vëllain e tij prej vitesh, reperin Don Xhon. Fillimisht u mendua se ky i fundit mund të ketë patur ndonjë koncert apo angazhim, por dyshimet për një ‘krisje’ i shtoi fakti se nuk e uroi as për ditëlindje në rrjete sociale.
Mirëpo, së fundmi duket se dy artistët e kanë provuar se kanë prishur raportet mes tyre dhe kjo për faktin se nuk janë më miq me njëri-tjetrin në Instagram.
Ajo që në fakt na bën përshtypje është se kjo ndodhi vetëm pak para se dyshja të publikonin bashkëpunimin që kishin paralajmëruar. Ditën e djeshme ishte Don Xhoni ai që ka reguar me anë të një Instastory ku shfaqej në makinë, krahas video-s ka shkruar: “Mos u merakosni shumë”. E sot kemi një postim nga ana e Butrintit e cila duket si një kundërpërgjigje, për Don Xhonin apo portalet këtë nuk e dimë ende, por teksa ka ndarë me ndjekësit një foto tijën ku shfaqet duke mbyllur sytë, krahas ka shkruar: “Ok, ok”.
Mendoni se me të vërtetë nuk janë më miq apo po bëjnë një lojë vetëm për klikime?
