Ministria e Brendshme britanike, përmes ministrit Yvette Cooper, ka njoftuar se është duke shqyrtuar mundësinë e miratimit të një skeme të ngjashme me atë të Italisë për trajtimin e refugjatëve, në bashkëpunim me Shqipërinë. Cooper theksoi se plani britanik do të ketë disa ndryshime dhe se do të monitorojnë fillimisht efektivitetin e skemës italiane.
Disa ditë më parë, revista gjermane Spiegel raportoi se Perëndimi mund të ketë mbyllur sytë ndaj korrupsionit dhe problemeve të tjera në Shqipëri për shkak të bashkëpunimit të kryeministrit shqiptar Edi Rama me Italinë në menaxhimin e refugjatëve. Revista sugjeron se Rama është parë nga Perëndimi si një stabilizues në Ballkan dhe se plani për të trajtuar refugjatët në territorin shqiptar, i negocuar me kryeministren italiane Giorgia Meloni, po tërheq gjithashtu interes përtej Italisë. Kjo skemë përfshin ekzaminimin e refugjatëve dhe emigrantëve të kapur në ujërat italiane të Mesdheut në Shqipëri për të përcaktuar të drejtën e tyre për azil.
