Aktori i njohur Brad Pitt po akuzon ish-bashëshorten e tij Angelina Jolie se ka dëmtuar reputacionin e biznesit të verës dhe rozesë që ata më parë e kishin në pronësi së bashku duke shitur gjysmën e saj tek një i huaj. Në vitin 2008, Pitt dhe Jolie të cilët kanë gjashtë fëmijë, blenë vreshtin dhe shtëpinë e Château Miraval në jug të Francës, ku më vonë u martuan në 2014 dhe kaluan disa pushime familjare së bashku gjatë gjithë marrëdhënies së tyre.
Në dosjen e fundit gjyqësore të Pitt në betejën e tij të vazhdueshme me Jolie për shitjen e Miraval, aktori pretendon se Jolie qëllimisht “kërkoi t’i shkaktonte dëm” atij duke shitur aksionet e saj në kompaninë e verës dhe rozesë. Pitt thotë se ata kishin rënë dakord që të mos i shesin kurrë aksionet e tyre përkatëse në biznesin familjar pa pëlqimin e tjetrit.
Ekipi ligjor i Pitt shkruan në dokumentat e depozituara të premten në Gjykatën e Lartë të Qarkut të Los Anxhelosit dhe të marra nga PEOPLE, se Miraval u bë projekt nga pasioni i tij që u rrit në një biznes global shumë milionë dollarësh dhe u bë një nga prodhuesit më të vlerësuar në botë të rozes përmes punës së tij. Aktori akuzon Jolie se nuk ka kontribuar asgjë në suksesin e Miraval.
Në dosje, avokatët e Pitt thonë se Jolie planifikoi t’i shiste aksionet e saj në tetor tek Tenute del Mondo, e cila “është e vendosur të marrë kontrollin e Miraval” dhe është në pronësi dhe kontroll indirekt nga Yuri Shefler, miliarderi rus që kontrollon Stoli Group.
“Jolie ndoqi dhe më pas e përfundoi shitjen e supozuar në fshehtësi, duke e mbajtur qëllimisht Pitt në errësirë dhe duke shkelur me vetëdije të drejtat kontraktuale të Pitt,” thuhet në dosjen nga ekipi i Pitt. Padia e aktorit të njohur pretendon se biznesi i Jolie ‘Nouvel’ i detyrohej kompanisë së tij ‘Mondo Bongo’ të drejtën e refuzimit të parë dhe shitja e shkelte këtë të drejtë. Jolie, e cila bëri kërkesë për divorc në vitin 2016, ishte lejuar më parë të shiste pjesën e saj të pasurisë në shtator.
Ekipi i Pitt thotë se Shefler filloi një kontroll armiqësor të Miraval dhe po përpiqet të marrë “informacion konfidencial dhe pronësor për të mirën e ndërmarrjes së tij konkurruese”. Dokumentet e akuzojnë Sheflerin se ka “taktika të ashpra biznesi dhe shoqata të dyshimta profesionale”, të cilat nga ana e tyre “rrezikojnë reputacionin e markës Pitt të ndërtuar me kaq kujdes”. Ata shtojnë:
Jolie ka kërkuar të detyrojë Pitt në partneritet me një të huaj, dhe më keq akoma, një të huaj me shoqërime dhe qëllime shumë negative.
Pitt po kërkon dëmshpërblim “në një shumë që do të provohet në gjyq” plus shitja e supozuar e bërë nga Jolie për t’u shpallur “nul dhe e pavlefshme”. Aktori kërkon një gjyq nga trupa gjykuese. Pitt është duke e paditur për shkelje të kontratës së nënkuptuar; shkeljen e quasi-kontratës e pretenduar si shkelja e besëlidhjes së nënkuptuar të mirëbesimit dhe sjelljes së drejtë; shpërdorimi i të drejtave sipas nenit 6-1 të Kodit Civil të Luksemburgut; ndërhyrje deliktore në marrëdhëniet kontraktuale; ndërhyrje deliktore në marrëdhëniet e ardhshme të biznesit dhe besim konstruktiv.
