Divorci i Brad Pitt dhe Angelina Jolie ka marrë një vëmendje shumë të madhe dhe së fundmi në një raport të publikuar nga InTouch Weekly, të dy aktorët janë pajtuar për të gjetur një zgjidhje në lidhje me padinë e tyre mbi Château Miraval. Brad ngriti një padi kundër ish-bashkëshortes pasi u trondit kur mësoi se filiali i Stoli Group, i drejtuar nga oligarku rus Yuri Shefler, njoftoi se ata tani ishin bashkëpronarë të Miraval.
Nga ana tjetër, aktorja pohoi në dosjen e saj se vendimi ishte “thjesht financiar”. Ajo zbuloi se Stoli pagoi 13 milionë dollarë më shumë sesa Brad ofroi për Château Miraval. Angelina përmendi se ajo i bëri të gjitha këto për të kërkuar “pavarësi financiare dhe për të pasur një formë paqeje, si dhe mbyllje në këtë kapitull thellësisht të dhimbshëm dhe traumatik të jetës së saj dhe të fëmijëve”.
Burimi bëri të ditur se Angelina mori këtë vendim për shkak të krizës së saj financiare. Nga ana tjetër burimi theksoi:
Ata kanë shpenzuar kaq shumë para në këto beteja ligjore, duke përfshirë luftën për kujdestarinë. Negociatat kanë qenë torturuese, por kjo është një fitore e madhe për Brad.
Për këtë qëllim, është vendosur që Angelina do të ketë kujdestarinë e tre fëmijëve nën 18 vjeç me babain e tyre Brad që ka të drejtë vizite. Aktori do të ketë kontroll të plotë mbi Miraval pasi i ka paguar Anxhelinës dëmshpërblim prej 250 milionë dollarësh. Ndërkohë, Brad po u thotë miqve që ai në të vërtetë fitoi.
Ai ka humbur shumë kohë me fëmijët e tij, por nuk është kurrë vonë për të rindërtuar ato marrëdhënie. Të paktën Miraval do të jetë gjithçka e tij – dhe më në fund mund të vazhdojë me jetën e tij.
