Së fundmi mamaja e motrave të famshme Kardashian-Jenner, Kris Jenner dha një dëshmi në gjykatë duke pretenduar se ish-i i Rob Kardashian, Blac Chyna, kërcënoi se do të vriste Kylie Jenner. Ndërsa ishte në gjykatë në Los Angeles, Kris dëshmoi se ishte alarmuar vite më parë kur Kylie dhe i dashuri i atëhershëm Tyga i treguan asaj për kërcënimin e supozuar.
Kris shtoi se Tyga i tha asaj në shumë raste se Chyna dyshohet se u përpoq ta lëndonte fizikisht atë me thikë. Kris dëshmoi se:
Sigurisht që ishte alarmante, por ne thjesht e mbajtëm në familje. Ata jetonin matanë rrugës dhe ajo kishte një fëmijë të vogël. Mendoj se ishim më të shqetësuar për situatën e Tyga-s.
Rikujtojmë se Chyna ka paditur Kris, Kim, Khloé dhe Kylie për 40 milionë dollarë për shpifje dhe ndërhyrje të qëllimshme në kontratën e saj me “E!”. Ajo pretendon se familja e famshme përdori fuqinë që ka për të njollosur reputacionin e saj dhe për të parandaluar mundësitë financiare pasi dyshohet se ata anuluan sezonin e dytë të “Rob & Chyna”, akuza të cilat Kardashian-Jenner i kanë kundërshtuar.
Modelja 33-vjeçare ishte e fejuar më parë me djalin e Kris, Rob Kardashian, me të cilin ka edhe një vajzë 5-vjeçare që quhet Dream. Të dy ata ishin pjesë e shfaqjes dhe luajtën së bashku në “Rob & Chyna” të “E!”. Kur Kris u paraqit për të dëshmuar të premten, kujtoi pasojat e debatit intensiv të pretenduar të Chyna me Rob më 15 dhjetor 2016. Ky debat dyshohet se përfshinte Chyna që mbante një armë të shkarkuar, për të cilën ajo ka pretenduar në atë kohë në gjykatë se kishte qenë thjesht për shaka.
