Lagështia krijon terrenin e duhur për bakteret dhe mykun dhe mund të shkaktojë dëme të shumta në shtëpi. Nëse jetoni në ambiente të lagështa, atëherë mund të përjetoni disa simptoma të padëshiruara si kollë, tështima, kruarje, lodhje, marramendje dhe infeksion në rrugët e frymëmarrjes. Shumë studime thonë se ka një lidhje të fortë mes nivelit të lagështisë në shtëpi dhe ndjenjës së lumturisë, mirëqenies dhe shëndetit fizik.
Nëse dëshironi të keni nivele të pranueshme lagështie në shtëpinë tuaj, atëherë sigurohuni që të keni këto bimë interesante e të dobishme. Bëhet fjalë për një bimë shumë tërheqëse dhe ekzotike që shërben për të ruajtur natyralisht ekuilibrat e lagështisë. Emri latin e ka Nephrolepis exaltata. Kjo bimë ruan nivelet e lagështisë dhe e bën shtëpinë shumë më të rehatshme, me ajër të pastër dhe pa toksina. Kjo bimë mund të mbillet shumë lehtë në vazo dhe të ruhet në vend me ndriçim të plotë. Gjethet duhen spërkatur me ujë në mënyrë të rregullt.
Një tjetër bimë miqësore me ambientet tuaja të brendshme është bima merimangë. Ajo rritet lehtë, është e bukur, me gjethe të varura që arrijnë të largojnë 90% të toksinave në ajër në vetëm 2 ditë. Bima merimangë ndihmon edhe në përthithjen e monoksidit të karbonit. Gjethet rriten shumë shpejjt dhe përthithin substancat e dëmshme si myku apo lëndët që shkaktojnë alergji.
Zambaku i paqes është një bimë tjetër që ndihmon në uljen e nivelit të lagështisë duke pastruar ajrin nëpërmjet gjetheve të saj. Zambaku i paqes është një bimë që rritet lehtë dhe kërkon pak përkujdesje apo rreze dielli. Këtë bimë mund ta mbani edhe në zonën e tualetit për të shmangur zhvillimin e mykut dhe përthithur aromat. Zambakun e paqes duhet ta mbani larg fëmijëve ose kafshëve shtëpiake sepse është një bimë toksike për konsum.
Hedera helix pastron ajrin edhe nga toksinat që lëshojnë mobiljet apo solucionet e pastrimit si dhe mykun. Kjo bimë kërkon sasi minimale të ndriçimit nga dielli. Atë mund ta mbani në një vazo të varur ose në vende të larta. Bimët si Palma e Verdhë ose Palma Flutur arrijnë të përthithin lagështinë nëpërmjet gjetheve të tyre. Palma largon çdo lloj toksine që lëshohet në ajër dhe mund të mbijetojë edhe me pak dritë, përsa kohë e ujisni rregullisht. Këtë bimë duhet ta mbani pranë mobiljeve ose tapicerive.
