Këngëtarja e njohur Billie Eilish ka konfirmuar së fundmi se është e tërhequr nga gratë, por ndihet e ‘frikësuar’ nga prania e tyre. 21-vjeçarja, e cila u nda nga Jesse Rutherford në muaj maj, foli për seksualitetin e saj, imazhin e trupit dhe pse nuk është ndierë kurrë e dëshirueshme teksa reflektoi për transformimin e saj. Billie tha se:
Kam lidhje të thella me gratë në jetën time, miqtë në jetën time, familjen në jetën time. Unë jam e tërhequr fizikisht prej tyre. Por unë jam gjithashtu shumë e frikësuar nga ato, bukuria dhe prania e tyre. Nuk jam ndierë kurrë si grua, të jem e sinqertë me ju. Nuk jam ndierë kurrë e dëshirueshme. Nuk jam ndierë kurrë femërore. Më duhet të bind veten se jam një vajzë e bukur. Kurrë nuk jam ndierë vërtet si një vajzë.
Ajo shtoi se asnjëherë nuk i interesonte vërtet seksualizimi sepse asnjëherë nuk u ndie e dëshirueshme. Së fundmi këngëtarja ka rrëfyer se pavarësisht se është detyruar të përballet me një “lum” komentesh negative në rrjet, ato për pamjen e saj ende e lëndojnë. Ylli i muzikës u shpreh se:
Është e vështirë. Sinqerisht, askush nuk mund të thotë asgjë për trupin tim për të cilin nuk kam një mendim më të fortë… Unë gjithashtu mendoj se po të isha më e re, sikur interneti të fliste për mua ashtu siç bëjnë tani kur isha 11-vjeçe, nuk mendoj se do të ekzistoja. Më pëlqen vetja më shumë se dikur dhe më intereson më shumë se si ndihem unë sesa si ndihen ata. Por kjo është gjithashtu një ngarkesë e madhe, ende më lëndon. Por është vërtet e vështirë, e dini? Kam kaluar një kohë të vështirë dhe ende po e kuptoj. Por është padyshim një jetë e çuditshme. I fshiva të gjitha nga telefoni im, gjë që është shumë e madhe për mua sepse unë u rrita pa internet. Unë jam një person që hyjë në internet jo për të ndryshuar gjë në lidhje me personin që jam apo jetën që jetoj, thjesht vazhdoj të bëj atë që bëj gjatë viteve. Videot që po shikoj në internet kanë të bëjnë me mua. E shpifur. Nuk më pëlqen kjo.
