Ben Affleck dukej i mërzitur teksa po zhvillonte një bisedë serioze me ish-bashkëshorten Jennifer Garner së fundmi. Dyshja, të cilët kanë tre fëmijë, u fotografuan duke biseduar teksa fëmijët e tyre ishin në shkollë në lagjen Brentwood të Los Anxhelosit.
Ylli i “Air”, 50 vjeç, kishte veshur një palë xhinse, atlete të bardha Nike dhe një këmishë nën një pallto gri. Ai mbante një filxhan kafe të ftohtë ndërsa ecte pranë yllit “13 Going On 30”, 51 vjeç, e cila ishte veshur sportive. Garner e kompletoi look-un me një pulovër gri, çorape të gjata, atlete dhe kapele.
Pasi hodhi një tabaka me ëmbëlsira në shkollën e fëmijëve të tyre, ajo u kthye në makinën e saj ku ajo dhe Affleck vazhduan të bisedonin. Përfaqësuesit për Affleck dhe Garner nuk kthyen menjëherë përgjigje për kërkesën e PageSix për koment.
Pamjet vijnë një javë pasi regjisori i njohur është parë tejet i tensionuar teksa në momentin që Lopez futet në makinë ai i “përplasë në fytyrë” derën e makinës duke lënë të nënkuptohet që mes tyre ka pasur një debat. Së fundmi, dyshja është parë sërish në publik teksa po grindeshin.
Megjithëse një dëshmitar okular pretendoi se dyshja po debatonin, një burim i afërt me çiftin i tha ekskluzivisht Page Six se ata thjesht po bisedonin.
Disa ditë më vonë, fansat menduan se dyshja kishin një tjetër problem, një grindje në tapetin e kuq në premierën e filmit të saj të ri, “The Mother”.
Në pamje të parë, Affleck dukej i mërzitur teksa drejtohej nga këngëtarja e hitit “Let’s Get Loud”, 53 vjeç, shprehjet e së cilës linin të kuptohej se ata mund të kishin pasur një mosmarrëveshje.
