Bebe Rexha, Rita Ora dhe Dua Lipa janë artistet shqiptare që na bëjnë krenarë në tregun muzikor ndërkombëtar. Së fundmi, Bebe Rexha ka treguar se nuk e di arsyen pse Rita dhe Dua nuk flasin, por ajo është përpjekur t’i pajtojë ato.
Bebe ka treguar gjithashtu, se pavarësisht përpjekjeve të saj për t’i pajtuar vajzat, ajo ende nuk e ka arritur këtë gjë, ndërkohë, ajo do të dëshironte të kishte një bashkëpunim mes tri artisteve, por kjo i duket diçka e vështirë për t’u realizuar.
Dua dhe Rita kurrë nuk kanë folur publikisht për arsyen e prishjes së marrëdhënies së tyre, e cila besohet të ketë nisur nga krahasimi i të dyjave në industrinë muzikore.
Është e çuditshme, sepse unë e di se si është të jesh vajzë dhe ndonjëherë mund të bëhemi vërtet konkurrente të njëra-tjetrës. Nuk po flas për veten, Duan, Ritën, por po flas për femrat në përgjithësi.
Bebe ka zbuluar se dikur vajzat ishin mikesha, madje Dua ka shprehur admirimin e saj për Ritën, në të kaluarën. Me sa duket, vajzat do të vazhdojnë edhe për shumë gjatë, të kenë hatërmbetje me njëra-tjetrën.
