Muzeu arkeologjik i Katalonjës në Barcelonë ofroi kohët e fundit një mundësi të pazakontë. Ata mirëpritën nudistët në një vizitë të veçantë. Ata u lejuan të eksploronin ‘pa perde’ ekspozitën kushtuar fotografive të Luigi Spina të Riace Bronzes, si dhe statujat nudo greke të luftëtarëve të shekullit të 5-të para erës sonë, të gjetura në vitin 1972 pranë Riace.
Sipas La Repubblica, Muzeu ka bashkëpunuar me The Catalan Naturism Club për të krijuar një turne 90-minutësh. Gjatë kësaj eksperience, vizitorët patën mundësinë të vlerësojnë veprat e artit duke marrë pozat e vetë skulpturave, krejtësisht nudo, edhe në prani të vizitorëve të tjerë.
Ekspozita ishte një zgjedhje e duhur, duke pasur parasysh statujat e shekullit të 5-të para Krishtit – me rëndësi të jashtëzakonshme për studimin e artit antik, pasi ato janë dy nga të paktat bronz të greqisë së lashtë me madhësi të plotë të mbijetuar që paraqesin luftëtarë plotësisht të zhveshur.
Duke folur për turneun, faqja e internetit e muzeut katalanas tha se vizitorët do të kenë mundësinë të “admirojnë veprat duke pozuar në të njëjtën situatë si ata, krejtësisht të zhveshur dhe të rrethuar nga trupa të tjerë”. The Catalan Naturism Club njoftoi në fillim të këtij muaji se kur do të zhvillohej turneu i tij i parë nudist.
