Reperi i dashur për publikun shqiptar, Big Basta, ka qenë mbrëmjen e së premtes i ftuar në emisionin “Top Arena”, në Top Channel. I pyetur nga Alesia Bami nëse do të jetë banor i “Big Brother VIP 4”, ai tha që nuk është e konfirmuar, por edhe mund ta konsiderojë.
Alesia: A është e vërtetë që je banori i dytë i konfirmuar banor i “Big Brother VIP 4”?
Big Basta: Nuk është e vërtetë, nuk jam banor i dytë i konfirmuar, por edhe mund ta konsideroj.
Gjatë intervistës, Big Basta zbuloi pasionin e madh të djalit të tij për futbollin. Reperi i njohur u shpreh se e ka të sigurt se djali i tij do të jetë në të ardhmen futbollist i Kombëtares.
Alesia Bami: A është e vërtetë që djali i Big Bastës në të ardhmen do të jetë futbollist i Kombëtares shqiptare?
Big Basta: Po 100%
Alesia Bami: Luan futboll?
Big Basa: Domethënë ai i ka të treja mundësitë, ose të bëhet i Shqipërisë, ose të bëhet i Kosovës ose i Zelandës së Re. Ai do të jetë i Shqipërisë.
Alesia Bami: Do donim shumë ta kishim te Kombëtarja e Shqipërisë. Në çfarë pozicioni ka qejf të luajë?
Big Basta: Ai ka qejf në sulm, por edhe mesfusha i pëlqen shumë.
