Të gjithë sytë nga Balenciaga, teksa drejtori kreativ i markës, Demna Gvasalia përdori platformën e tij për t’i nderuar ukrainasit në një shfaqje dramatike që ngjalli një ndjenjë të thellë shqetësimi për të ardhmen. Për projektuesin, kriza humanitare po shpaloset në Evropën Lindore, ku më shumë se 1.5 milionë ukrainas janë larguar nga vendi.
Demna ka lindur në Sukhumi, një qytet në Gjeorgji që pati luftime të ashpra gjatë luftës civile të vendit në fillim të viteve 1990. Stilisti dhe familja e tij ishin mes dhjetëra mijëra njerëzve që u larguan nga Sukhumi mes konfliktit në rajonin e Abkhazisë, i cili konsiderohet i pavarur nga Rusia, pavarësisht se njihet ndërkombëtarisht si pjesë e Gjeorgjisë.
Në një shënim dhënë për të ftuarit që merrnin pjesë në shfaqje stilisti u shpreh se:
Lufta në Ukrainë ka shkaktuar dhimbjen e një traume të së kaluarës që kam mbartur mbi supe që nga viti 1993, kur e njëjta gjë ndodhi me vendin tim dhe unë u bëra një refugjat i përjetshëm.
Rikujtojmë se shfaqja vjeshtë-dimër 2022, u mbajt të dielën në periferi të Parisit.
Në një moment prekës, stilisti recitoi një poezi në gjuhën ukrainase nga poeti Oleksandr Oles. Asnjë përkthim nuk u dha pasi Demna synonte që mesazhi i saj gjithëpërfshirës i forcës të dëgjohej nga ata që mund ta kuptonin. Në një gjest tjetër, flamujt ukrainas u vendosën në karriget e të ftuarve. Gjatë shfaqjes, modelet kaluan nëpër borë artificiale dhe një erë thumbuese.
Rikujtojmë se supermodelja e njohur Gigi Hadid ka dhuruar së fundmi të ardhurat e saj në ‘Fashion Week’ për ata që janë prekur nga lufta në Ukrainë. 26-vjeçarja ndau një sërë fotosh në Instagram nga shfaqje të ndryshme dhe zbuloi se po jepte një kontribut të konsiderueshëm për të ndihmuar ata që kanë nevojë. Ikona e modës shpjegoi se pavarësisht nga puna e saj në dhe jashtë pasarelave, ishte gjithashtu përgjegjësia e saj për një sjellje humane, duke ua dhuruar të ardhurat e saj të plota nga fushata e vjeshtës 2022 organizatave ukrainase.
