Arnold Schwarzenegger është në një betejë të vazhdueshme kundër të kaluarës së tij. Aktori është kritikuar për të kaluarën naziste të familjes së tij, pasi babai i tij, Gustav Schwarzenegger, ishte përfshirë në partinë naziste gjatë Luftës së Dytë Botërore. Kjo e ka detyruar atë në shumë raste të shpjegojë publikisht mendimet e tij për këtë çështje. Schwarzenegger pohoi për CNN se:
Babai im, dhe shumë miliona burra të tjerë u futën në një sistem urrejtjeje përmes gënjeshtrave dhe mashtrimeve. Dhe kështu, ne kemi parë se ku të çon kjo. E kam parë vetë se sa i thyer ishte ky njeri. Llojet e mizorive që ndodhën. Sa miliona njerëz duhej të vdisnin dhe më pas përfunduan humbës… në Konfederatë, humbës të gjithë, kjo thjesht nuk funksionon. Dua të them, le të shkojmë dhe të merremi vesh. Dhe dashuria është më e fuqishme se urrejtja.
Lidhur me zgjedhjet e ardhshme të vitit 2024 në SHBA, aktori i famshëm mbajti një qëndrim kundër Donald Trump, pavarësisht nga popullariteti i tij i qëndrueshëm në mesin e shumë amerikanëve dhe që shpalli synimin e tij për të kandiduar për president. Ai shtoi se:
Është e trishtueshme ta shohësh këtë. Ai dhe republikanët nuk mund të krijonin një talent të ri, me një fytyrë të re që është një person i arsyeshëm, i zgjuar, inteligjent që mund ta udhëheqë këtë vend në një mënyrë republikane.
Përveç angazhimeve të tij në qeverisje, aktori i njohur së fundmi ka botuar edhe një libër “Be Useful: Seven Tools for Life”. Ky është titulli i librit të shkruar nga aktori i njohur, përmes të cilit ai ndan me lexuesit mendimet për jetën. Ylli i Hollivudit prezanton shtatë rregullat e tij “të arta”, të cilat do t’i ndihmojnë lexuesit të gjejnë qëllimin e vërtetë të jetës. Shtëpia botuese që mori përsipër publikimin e librit tha se suksesi i Schwarzenegger nuk ishte i rastësishëm, por pjesë e një procesi.
