Sot në emisionin “Live from Tirana” ishte e ftuar nëpërmjet një lidhjeje telefonike astrologia Meri Gjini e cila tha se jemi në ditët e fundit të Hënës dhe praktikisht të lodhjes tonë më të madhe. Jemi në ditët e fundit të Hënës ku lodhja është pak më e madhe. Mirë është të merremi me gjërat për veten, jo shumë të rëndësishme, ta bëjmë të përditshmen më të thjeshtëzuar. Kur të hy Hëna e re më 13 mars mund të quhet një muaj me fat sepse bëhen bashkë shumë planete. Universi është energji e jashtme, ne kemi energjinë tonë, të brendshmen tonë që përcakton ato pikat mbi i. Hëna e re do të jetë shumë pozitive, do të kemi një mbivendosje të emocioneve, do të na nxjerri të bukurën nga shpirti. Kemi fillimin e ciklit të ri diellor me datën 20 mars ku do të prekim ndryshimet e vitit. Do të ndodhin ndryshime të mëdha, por ndryshimin më të madh e kemi ne në dorë. Ata që do të gëzohen me pjesën e përgjegjësisë apo që të dalin të fituar nga situata me rradhën që unë kam vendosur janë Ujori, Binjakët, Peshorja, Dashi, Luani, Shigjetarët të cilët do të punojnë sot për të pasur benefite nesër. Me ekonominë drejtpërdrejt do të favorizohen Demi, Virgjëresha, Bricjapi, Akrepi, Gaforrja. Ata që nëse do të dinë të mbrohen nga problematikat e shëndetit siç është virusi korona do të dalin të fituar dhe janë Dashi, Luanët, Shigjetarët, Binjakët, Peshorja dhe Ujori. Me dashurinë dhe bukurinë do të shkëlqejnë Virgjëreshë, Dem, Gaforre, Peshk, Akrep, Bricjap.