Një shkëmb i madh hapësinor, asteroidi “2005 YY128”, me diametër 580 deri në 1300 metra, do të kalojë sonte nga planeti Tokë. Vlerësohet se kjo është qasja më e afërt për katër shekuj. Asteroidi, do të kalojë në orën 02:46 të së enjtes nga planeti ynë, Tokë, një distancë e sigurt prej 4.5 milionë kilometrash, që është rreth 12 herë distanca Tokë-Hënë.
Asteroidi u zbulua në vitin 2005 nga astronomët amerikanë, të cilët gjatë 17 viteve të fundit kanë studiuar orbitën e tij me saktësi të lartë, megjithëse ka disa pasiguri për madhësinë e tij të saktë. Ai i përket kategorisë së asteroidëve potencialisht të rrezikshëm, një emërtim që u jepet shkëmbinjve hapësinorë prej të paktën 140 metrash që afrohen brenda më pak se 0,05 njësive astronomike.
Një teleskop hapësinor i projektuar për të kërkuar kometa dhe asteroidë të vështirë që i afrohen zonës afër Tokës do të fillojë të ndërtohet në Near-Earth Object Surveyor të NASA-s. NEO Surveyor bëri një rishikim teknik programatik dhe tani do të kalojë në fazën e ndërtimit.
