Dukesha e Kembrixhit Kate Middleton së fundmi mbajti një fjalim në Londër për fushatën e “Forward Trust Taking Action on Addiction”, e veshur me të kuqe. Kate mbante veshur një golf kashmiri Polo Ralph Lauren 248 dollarë dhe një fund nga Christopher Kane 995 dollarë. Ajo e kombinoi veshjen me një palë këpucë nude me takë nga Ralph Lauren 675 dollarë dhe me një çantë të vogël DeMellier 395 dollarë në të njëjtën nuancë.
Ajo që tërhoqi më shumë vëmendje ishte zgjedhja e bizhuterive. Ndryshe nga e gjithë veshja, bizhuteritë ishin të përballueshme nga të gjithë. Në vend të diamanteve ose perlave, Middleton zgjodhi një palë vathë Asos që kushtojnë vetëm 14.50 dollarë.
Kjo nuk është hera e parë që ajo i përdor për një shfaqje publike. Kate i ka kombinuar më parë vathët me një fustan të kuq dhe të zi nga Alessandra Rich, për një vizitë në Muzeun Victoria dhe Albert, në maj.
Kate dëshmon gjithmonë aftësinë e saj në modë dhe këtë e bëri kur u shfaq në ceremoninë e parë të çmimeve Earthshot Prize me një fustan të ricikluar Alexander Alexander McQueen. Ndërkaq, ju rikujtojmë se Dukesha ka paralajmëruar se nëse nuk veprojmë për të shpëtuar planetin do t’u “grabisim” fëmijëve të ardhmen.
Kate drejtoi lutjen e saj në ceremoninë në Alexandra Palace në Londër, e cila nderoi ata që kanë dalë me ide novatore për të ndihmuar në trajtimin e ndryshimeve klimatike dhe problemeve mjedisore. Ndërsa prezantonte një çmim në kategorinë e mbrojtjes dhe restaurimit të natyrës, një nga pesë kategoritë, ajo foli për rëndësinë e një bote të lulëzuar natyrore dhe se si ajo ndihmon shëndetin fizik dhe mendor.
Një botë e lulëzuar natyrore rregullon klimën tonë, ushqen shëndetin tonë fizik-mendor dhe ndihmon në ushqimin e familjeve tona. Por për një kohë të gjatë, ne kemi lënë pas dore hapësirat tona të egra. Tani ne po përballemi me një numër problemesh. Nëse nuk veprojmë tani, ne do të destabilizojmë përgjithmonë planetin tonë. Ne do t’u grabisim fëmijëve tanë të ardhmen që meritojnë.
