Të gjitha vendet në stadiumin e lashtë romak “Circus Maximus” janë shitur për të gjashtë koncertet e David Gilmour, ish-kitaristi i grupit muzikor anglez “Pink Floyd” dhe 80% të biletave janë blerë nga spektatorë jashtë Romës, 33% nga jashtë Italisë dhe 47% nga pjesë të tjera të vendit. “90 mijë spektatorë në arenën ‘Circus Maximus’ për gjashtë datat e vetme të koncerteve të David Gilmour në Evropën kontinentale”-tha Alessandro Onorato, këshilltari për ngjarjet kryesore në kryeqytetin italian.
Jemi shumë të lumtur që duke nisur nga sot artisti i madh do të jetë në Romë për të dhënë shfaqjet e tij të papërsëritshme. Vendet e rezervuara janë shitur plotësisht dhe 20% e spektatorëve janë nga Roma, 33% vijnë nga jashtë vendit, veçanërisht nga Gjermania, Franca and Mbretëria e Bashkuar, 47% janë nga pjesë të tjera të Italisë. Vendimi i ish-kitaristit të ‘Pink Floyd’ për të ardhur në Romë për prezantimin e albumit të tij më të ri, ‘Luck and Strange’, duke e preferuar në vend të qyteteve të tjera evropiane, është provë.
Rikujtojmë se kompania e muzikës Sony Music është në bisedime të avancuara për të blerë të drejtat për muzikën e grupit legjendar anglez të rokut Pink Floyd për shumën rekord të 500 milionë dollarëve. Lajmin e jep Financial Times që zbulon edhe prapaskenat e negociatave. Grupi Pink Floyd është përfshirë kohët e fundit nga mosmarrëveshje të shumta personale midis anëtarëve veçanërisht mes Roger Waters dhe David Gilmour, që e kanë bërë të vështirë arritjen e një marrëveshjeje. Albumet ikonë të Pink Floyd përfshijnë “The Dark Side of the Moon” dhe “The Wall”.
