Pas ndarjes nga J.Lo, Alex Rodriguez duket se është gati për një lidhje të re. Thuhet se A-Rod i ka dërguar mesazhe Kelly Bensimon, yllit të ‘reality show’-t “Real Housewife of New York”, duke i kërkuar të dalin bashkë. Një burim i brendshëm është shprehur se:
Ata kanë një marrëdhënie të lezetshme dhe flirte me mesazhe. Alex i ka kërkuar asaj të dalin bashkë më shumë se një herë, megjithëse ajo nuk ka dalë në një takim me të.
Një përfaqësues i Bensimon konfirmoi për ‘Page Six’ se ajo dhe Rodriguez kanë qenë në kontakt.
Kanë pasur një marrëdhënie argëtuese me mesazhe gjatë dy muajve të fundit. Ajo mendon se ai është simpatik dhe një zotëri i vërtetë. Benismon është një ndërmjetëse e pasurive të paluajtshme, ndërsa Rodriguez është një investitor i zjarrtë i pasurive të paluajtshme. Ata kanë miq të përbashkët dhe ajo ka folur me të për pasuri të paluajtshme.
Përfaqësuesi i A-Rod, ndërkohë, ishte shumë më i prerë në lidhje me këtë temë.
Ajo kërkoi një mundësi për pasuri të paluajtshme dhe kaq. Nuk ka mesazhe flirtuese, nuk ka asgjë mes tyre. Shumë njerëz i drejtohen atij për qëllime biznesi. Bensimon ka shitur mbi 100 milionë dollarë pasuri të paluajtshme këtë vit. Ajo përfaqëson pronat në qytetin e Nju-Jorkut, Hamptons dhe Florida dhe gjithashtu është zgjeruar së fundmi në Evropë.
Ndarja e bujshme e Alex Rodriguez dhe Jennifer Lopez vazhdon të jetë në qendër të vëmendjes dhe nuk kalohet pa u vënë re edhe pse kanë kaluar tashmë muaj të tërë. Alex ka qenë i ftuar së fundmi në një bisede për “American League Division Series” dhe deklaratat e tij po bëjnë xhiro në rrjete sociale.
Alex dhe Lopez u takuan për herë të parë me njëri-tjetrin në 2005. Jennifer filloi të takohej me ish-lojtarin e bejsbollit në vitin 2017 dhe vendosën të fejoheshin dy vjet më vonë. Pavarësisht gjithçkaje që ata arritën të krijonin së bashku, romanca e tyre përfundoi. Jennifer dhe Alex njoftuan vendimin e tyre për t’u ndarë prillin e kaluar, pasi mohuan thashethemet e publikuara më parë nga një pjesë e mediave që thonin se dyshja nuk ishin më bashkë.
