I ftuar në emisionin Big Brother Radio ishte ish banori i Big Brother Vip 3 Albi Nako për të folur rreth eksperiencës së tij dhe situatave në shtëpinë më të famshme në vend. I pyetur në lidhje me perceptimin e gjërë që publiku kishte për Albin para se të hynte në BBV si një person intiligjent që ka provokuar nëpër panele e ka ngjallur debate, Albi komentoi:
Unë e kam ngritur zërin në atë shtëpi disa herë duke thënë rolin e Ilnisës me Merin dhe rolin e Ilnisës me Meritonin por jo me të bërtitur siç bërtisnin të tjerët pasi unë nuk bërtas. Aty janë pesë veta që kanë bërë një marrëveshje me sy ose mund ta kenë bërë edhe më përpara që “topin“ do ta kemi neve dhe do t´ia gjuajmë kujt të duam. Unë e kam vërtetuar edhe kur kam dalë nga shtëpia këtë gjë sepse kam dëgjuar një moment Gazin që i thoshte Julit mos e zgjo nga gjumi këtë që do të thotë mos i jep vëmendje. Unë i shikoja këto gjëra dhe vetë,kur ti mundohesh të hedhësh diçka apo të provokosh dhe ata të injorojnë.
Nëse do të jepej mundësia të riktheheshe në Big Brother Vip siç është bërë në edicionet e kaluara, çfarë do të bëje?
Nëse mua do më jepej mundësia të rifutem në Big Brother Vip do të them: “Tani nuk fillon loja“. Nëse e mbani mend kur dola thashë: “Tani fillon loja“ ndërsa tani do them: “Tani nuk fillon loja“.
