Florence Pugh ka folur hapur për shëndetin e saj riprodhues, duke shpjeguar se ishte një “kuptim që të lë pa fjalë” kur kuptoi që duhej të ngrinte vezët në moshën 27-vjeçare, pas diagnozës së sindromës së vezoreve policistike (PCOS) dhe endometriozës.
Aktualisht 28-vjeçare, ka rrëfyer në podcastin “SHE MD” se gjinekologu i saj në Los Angeles, Dr. Thaïs Aliabadi, kryeu një numërim të vezëve dhe konfirmoi mundësinë e problemeve të ardhshme me fertilitetin, duke i thënë asaj që plani i saj për të pritur pesë vjet për të pasur fëmijë nuk ishte opsioni më i mirë.
Ylli i “Midsommar” iu këshillua të ngrinte vezët dhe ajo nuk hezitoi ta bënte këtë, veçanërisht sepse kishte ditur që ka dëshirë për të pasur fëmijë që nga fëmijëria e saj.
Megjithatë, Florence e gjeti të gjithë procesin mjaft të çuditshëm, duke shpjeguar se familja e saj është plot me “makina për të bërë fëmijë” – gjyshja e saj ka lindur fëmijë në moshën 40 vjeçare, se edhe nëna e saj ka pasur fëmijë në të njëjtën moshë. Kështu që ajo nuk e mendonte kurrë se do të ishte ndryshe për të.
Në fund, Florence thotë se ndihet me fat që e mori këtë informacion në kohë dhe falë kujdesit të shkëlqyer shëndetësor.
