Aktorja e njohur Sharon Stone publikoi një foto të nënës së saj, Dorothy me miliona ndjekësit e saj në Instagram. Ylli i Hollivudit ka admiruar bukurinë natyrale të Dorothy Stone, e cila kujdeset për pamjen e saj pavarësisht se i ka mbushur 91 vjeçe.
View this post on Instagram
Me një pamje nga afër të nënës së saj, Stone u ka shkruar miqve të saj online: “Mami në moshën 91-vjeçare. E pabesueshme. Bukuri natyrore”. Fotoja e nënës së saj është nga një mbledhje e fundit familjare e aktores. Që prej asaj dite, ajo ka postuar një foto tjetër, në qendër të së cilës ndodhet 91-vjeçarja Dorothy Stone.
Rikujtojmë, se Stone është paditur së fundmi për dëmet që dyshohet se shkaktoi në një aksident automobilistik që ndodhi vitin e kaluar. Aktorja 66-vjeçare e “Basic Instinct” akuzohet se ka tejkaluar shpejtësinë dhe ka bërë manovra të pasigurta me makinën, gjë që ka çuar në përplasjen e saj me një makinë tjetër dhe plagosjen e një gruaje.
Gruaja, Amanda Godebski, ngriti një padi në Gjykatën e Lartë të Los Anxhelosit duke pretenduar dëmtime pronësore dhe lëndime personale. Ajo pretendon se dëmi i ka kaluar 35,000 dollarë dhe po kërkon dëmshpërblim për atë shumë. Sipas dokumenteve të gjykatës, incidenti dyshohet se ka ndodhur më 30 qershor 2023, në dalje të Coldwater Canyon Avenue në Los Angeles.
Kjo nuk është hera e parë që Stone del në gjykatë. Në vitin 2012, aktorja u padit nga ish-dadoja e saj për shkelje të ligjeve të punës dhe komente nënçmuese për përkatësinë e saj etnike, megjithëse kjo padi u zgjidh përfundimisht një vit më vonë. Stone u përfshi gjithashtu në një betejë për kujdestarinë mbi djalin e saj 23-vjeçar Roan me ish-bashkëshortin Phil Bronstein. Ajo më vonë zbuloi në podcastin Table for Two me Bruce Bozzi se përfundimisht humbi kujdestarinë e Roan për shkak të rolit të saj në ‘Basic Instinct’.
