Aktorja e njohur Rebel Wilson ka kurorëzuar dashurinë e saj në martesë me Ramona Agruma. Ajo dhe partnerja e saj postuan disa fotografi nga dita e dasmës së tyre. Aktorja gjithashtu zbuloi se ceremonia u zhvillua në ishullin italian të Sardenjës.
View this post on Instagram
Rebel dhe Ramona ndanë publikisht planet e tyre për t’u martuar vitin e kaluar, pasi ylli i “Jojo Rabbit” i propozoi në Disneyland, Kaliforni me një unazë Tiffany. Përveç romancës dhe martesës, Rebel u bë gjithashtu nënë e një vajze në vitin 2022, e cila lindi nëpërmjet një surrogateje. Në fillim të këtij viti, aktorja publikoi gjithashtu librin e saj “Rebel Rising”, në të cilin bëri një sërë zbulimesh të mëdha për jetën personale dhe profesionale.
Rikujtojmë se aktorja ka folur së fundmi për marrëdhënien që ka tani me trupin e saj pasi humbi mbi 25 kg. Duke folur për US Weekly, aktorja ka treguar sesi ka arritur të kontrollojë peshën e saj, por edhe pse është bindur që të humbasë kilogramët e tepërt. “Nuk ka zgjidhje magjike. Unë mbaja dietë dhe gjithmonë stërvitesha. Unë kam punuar pothuajse gjatë gjithë jetës sime. Për mua, ishte elementi emocional që nuk e kisha parë kurrë”-tha ajo.
Më pas, ajo ka theksuar se nuk do të jetë e fiksuar pas imazhit, por vetëm dëshiron të kujdeset për veten. “Është mirë të vlerësosh veten dhe të jesh i shëndetshëm, por nuk duhet të jesh obsesiv”-vuri në dukje ajo. ajo që e “zgjoi” aktoren për trupin e saj ishte paralajmërimi i një mjeku. “Ai më tha ‘kështu që nëse do të ishe e shëndetshme do të kishe një shans më të mirë për të pasur një fëmijë. Ndjeva sikur goditi një nerv. Mendova se pesha ime mund të më pengonte të kem një fëmijë”-shpjegoi ajo.
