Aktorja Julia Ormond ka paditur së fundmi producentin Harvey Weinstein për sulm seksual. Në padinë e ngritur ylli i “Legends of the Fall” pretendon se Harvey e ka sulmuar seksualisht pas një darke biznesi në vitin 1995. 58-vjeçarja pretendon në padi se 71-vjeçari i tha asaj se ai do të diskutonte vetëm një projekt në apartamentin që Miramax kishte ofruar për Ormond si pjesë e marrëveshjes së tyre të parë me të.
Ormond pranoi që Weinstein të vinte në apartamentin e saj, ku ai dyshohet se u zhvesh lakuriq dhe e detyroi atë të kryente seks oral. Pas incidentit të supozuar, ylli i “Sabrina” thekson se ajo informoi agjentët e saj Kevin Huvane dhe Bryan Lourd për atë që kishte ndodhur. Megjithatë, Ormond pretendon se ata dyshohet se e këshilluan që të mos fliste dhe nuk e mbrojtën më pas.
Ajo po padit gjithashtu Agjencinë e Artistëve Kreativë (CAA) për neglizhencë dhe shkelje të detyrës. Për më tepër, Ormond po padit gjithashtu Miramax dhe Walt Disney Company. Së fundmi regjisori Harvey Weinstein u shpall fajtor për tre akuza për përdhunim dhe sulm seksual, ndërsa juria e liroi atë nga një akuzë tjetër dhe nuk arriti unanimitet për tre akuza të tjera. Weinstein u përball me dy akuza për përdhunim dhe pesë për sulm seksual në episodet që dyshohet se ndodhën në hotelet e Los Anxhelosit midis viteve 2004 dhe 2013.
