Aktorja e famshme e Hollywood-it, Julia Roberts, ka sot ditëlindjen. Ylli i kinematografisë feston 57 vjetorin e lindjes.
Edhe pse është një nga figurat më të njohura të industrisë së kinemasë, Julia ka vendosur që të bëjë një jetë më të qetë, duke qenë e pazëshme në rrjetet sociale dhe media.
Për fituesen e çmimit Oscar, vitet duket se janë vetëm numra. Ajo vazhdon të shkëlqejë me buzëqeshjen dhe pamjen e saj, që mbetet e pandryshuar me kalimin e kohës.
Karriera e saj përfshin role të paharrueshme në filma si “Pretty Woman”, “Hook”, “Sleeping with the Enemy”, dhe “Erin Brockovich”. Ajo ka luajtur gjithashtu në sukseset si “Ocean’s Eleven” dhe “Eat Pray Love”, duke e konsoliduar vendin e saj si një nga aktoret më të njohura dhe të dashura nga publiku.
Me një filmografi të pasur dhe një stil të veçantë, Julia Roberts vazhdon të jetë një ikonë e kinemasë, duke inspiruar breza të tërë. Sot, fansat e saj në të gjithë botën e uronin për këtë ditë të veçantë, duke shprehur admirimin e tyre për punën dhe arritjet e saj.
