Aktori legjendar David Jason, i cili luajti Del Boy, ka pranuar se tani e ka të vështirë të gjejë role të reja. “Po përpiqem dëshpërimisht të bind producentët dhe regjisorët se mund të luaj shumë më shumë personazhe. Aktorët e vjetër kanë shumë më tepër për të ofruar”-tha ai. Projekti i tij i fundit është seriali i BBC-së “David & Jay’s Touring Toolshed”.
Megjithatë, për shkak se bashkë-ylli i tij Jay Blades u akuzua për abuzim me gruan e tij, shfaqja u anulua pas vetëm një sezoni. Jason nuk i humb shpresat dhe është i hapur për role të reja. Ndonëse prej kohësh nuk ka luajtur me Del Boy, ky personazh është ende pjesë e jetës së tij. “Po eci me fantazmën e Del Boy-t, i cili është gjithmonë mbi supin tim ose pas meje dhe ai më thotë, ‘Thuaj përshëndetje’ dhe unë them: ‘A do ta mbyllësh gojën?’”-tha ai. Ai zbuloi se festat e Krishtlindjeve do t’i kalojë me vajzën dhe mbesën në shtëpinë e tij në Buckinghamshire.
