Aktori i njohur Kevin Spacey shpërtheu së fundmi në lot në “Piers Morgan Uncensored” duke pranuar se nuk ka para, nuk ka ku të jetojë dhe po përballet me falimentimin. Aktori zbuloi se shtëpia e tij do të konfiskohet dhe pranoi se ai në borxhe pasi u përball me faturat ligjore në rritje ndërsa luftoi akuzat për sulm seksual. Dy herë fituesi i çmimit Oscar uli kokën dhe shpërtheu në lot kur u pyet për gjendjen e tij aktuale financiare. Morgan e pyeti Spacey se ku banonte dhe kjo shkaktoi një valë emocionesh.
View this post on Instagram
“Epo, është qesharake që e bëtë këtë pyetje sepse këtë javë ku unë kam jetuar në Baltimore po më ndalohet. Shtëpia ime po shitet në ankand, kështu që më duhet të kthehem në Baltimore dhe të vendos të gjitha gjërat e mia në një magazinë. Pra, përgjigja për këtë pyetje është se nuk jam plotësisht i sigurt se ku do të jetoj tani, por kam qenë në Baltimore që kur filluam xhirimet e House of Cards”-tha aktori.
Morgan ndaloi pak para se të vazhdonte me më shumë pyetje rreth financave të Spacey-t. “A jeni duke u përballur me falimentimin?”-e pyeti ai yllin. Spacey u përgjigj se:“Ka pasur disa herë kur mendova se do të falimentoja, por ne arritëm ta shmangnim atë, të paktën sot për sot,”-i tha ai Morgan.
Kur u pyet se sa para ka aktualisht, Spacey u përgjigj: “Asnjë”. Spacey po përpiqet të ringjallë karrierën e tij pasi u lirua nga akuzat për sulme të shumta seksuale në Mbretërinë e Bashkuar në vitin 2023. Ai ka fituar pafajësinë e tij mes akuzave për një sulm seksual. Projektet e tij, duke përfshirë “House of Cards”, u hodhën poshtë mes akuzave dhe gjyqeve të mëvonshme.
Një dokumentar dy-ditor që eksploron rënien spektakolare të Kevin Spacey nga lavdia në errësirë është transmetuar në Channel 4 në MB. Dokumentari ‘Spacey Unmasked’ përmban intervista të papara ndonjëherë me disa njerëz që nuk janë të lidhur me gjyqin e aktorit në Mbretërinë e Bashkuar, të cilët flasin për herë të parë për përvojat e tyre me Spacey.
Sipas përshkrimit, “Spacey Unmasked” eksploron historinë e një njeriu që dikur ishte një nga aktorët më të admiruar dhe më të respektuar në botë. Rënia spektakolare e popullaritetit të Kevin Spacey erdhi mes akuzave për sjellje të pahijshme seksuale. “Përmes intervistave dhe pamjeve arkivore, dokumentari shqyrton jetën e tij nga fëmijëria deri në suksesin fillestar në Broadway dhe ngjitjen e mëvonshme në majat e Hollivudit”-thuhet në përshkrim.
