Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Dinamikat në shtëpinë e “Big Brother VIP” ndryshojnë në çdo moment.
Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”. Ndërkohë, të ftuar sot në “Big Brother Radio” ishin ish-banorja e “BBV3” Dea Vieri dhe djali i një prej konkurrentëve aktualë, Rei Ujkashi.
Por si e komenton i biri, lojën e Gazit në “BBV3”?!
Nuk është mënjanimi. Gazi e sheh që ka shumë njerëz, prandaj rri pak i tërhequr. Nuk duket mirë jashtë, por Gazi nuk ka filluar akoma. Kur hyri ishte shumë energjik… Unë mendoj që s’ka filluar akoma, mund të bëjë shumë më shumë… Ai po luan, por me kujdes… Ai ka dalë jashtë pritshmërive, pak për keq. Është vonë në ‘zgjimin’ e tij. Ai duhet të fillojë lojën.
E teksa Rei shprehet se përveç Gazit, i pëlqen dhe loja e Julit e Rikes, ai është i gatshëm të vërë bast që babai i tij do jetë në finale.
