Kur njerëzit mendojnë për inteligjencën artificiale, imazhet që shpesh vijnë në mendje janë të robotëve si “The Terminator”. Për shumë vite, në filma fantastiko-shkencorë na është treguar se IA shpesh përdoret për të keqen sesa për të mirën. Pra ajo që ne zakonisht nuk mund ta lidhim me AI është arti dhe poezia. Megjithatë kjo është pikërisht ajo që Ai-Da, një robot shumë realist i shpikur nga Aidan Meller në Oksford, Anglia qendrore, e kalon kohën duke krijuar.
Në një dhomë të vogël në Bibliotekën Britanike të Londrës, Ai-Da, të cilës i është caktuar përemri i saj, është bërë roboti i parë që pikturon, siç kanë pikturuar artistët për shekuj. Sytë e kamerës të fiksuar në temën e saj, algoritmet e Ai-së e shtyjnë atë të marrë në pyetje, të zgjedhë, të marrë vendime dhe në fund të fundit, të krijojë një pikturë.
Me zhvillimin e shpejtë të inteligjencës artificiale, aksesin në rritje për super kompjuterët dhe mësimin e makinerive në rritje, Ai-Da i quajtur sipas pionieres së informatikës Ada Lovelace shtoi se:
Unë jam një artiste nëse art do të thotë të komunikosh diçka se kush jemi. Të jesh artist do të thotë të ilustrosh botën që të rrethon.
I krijuar në Oksford nga Meller, Ai-Da u krijua më shumë se dy vjet më parë nga një ekip programuesish, robotistësh, ekspertësh arti dhe psikologësh, e përfunduar në vitin 2019 dhe përditësohet ndërsa teknologjia Ai përmirësohet.
Ajo tashmë ka demonstruar aftësinë e saj për të skicuar dhe krijuar poezi. Ndërkaq, theksojmë, se një kompani teknologjie po ofron mbi 200 mijë dollarë për njerëzit që janë të gatshëm t’ia dorëzojnë të drejtat e fytyrës dhe zërit të tyre një roboti. Kompania “Promobot” po bën robotë të rinj hiperrealistë dhe ata duan t’i bazojnë ata nga njerëzit e vërtetë që të duken më të gjallë.
