Një francez i guximshëm i ka kthyer ëndrrat e tij të fëmijërisë në realitet duke “fluturuar” nga shkëmbinjtë malorë në një qilim fluturues. Freddy Montigny, 44 vjeç, ka kaluar vite duke përmirësuar aftësitë e tij në sportet ekstreme për të realizuar një ëndërr… për t’u bërë “Aladdini” i jetës reale.
Ai zhvilloi një marifet unik duke përdorur ekspertizën e fituar nga hedhjet me parashutë gjatë viteve, gjë që i dha atij kontrollin që i duhej për të “fluturuar” në një tapet. Montigny u shpreh:
Nëse diçka shkon keq, thjesht e lëshoj tapetin dhe e hap. Me lartësinë nga e cila po kërcej, kam mjaft kohë për të korrigjuar çdo gabim. Me këtë tapet fluturues, kam mësuar se ndërsa nuk mund të fluturosh me asnjë shpejtësi apo në asnjë destinacion, është ende një mënyrë e mahnitshme për të sfiduar realitetin.
Videoja dramatike tregon kërcimin e guximshëm të Montigny nga Croix des Têtes, një mal 2400 metra i lartë në vargmalin Vercors në Francë. Ai mund të shihet duke rënë me shpejtësi deri në 1600 metra teksa “fluturonte” një tapet. Në postimet e tij në mediat sociale, Montigny ka theksuar “lidhjen e ëndrrave të fëmijërisë me realitetin e të rriturve”:
Gjithmonë kam pyetur veten se cila pjesë e miteve dhe legjendave që na u thanë kur ishim fëmijë ishte e vërtetë.
