Kampionati “Abissnet Superiore” rikthehet me pesë takime shumë të rëndësishme, të vlefshme për javën e 13-të. Të ndara në dy ditë, tre prej tyre do të luhen ditën e sotme ndërsa nesër do të zhvillohen dy përballjet e mbetura.
Egnatia – Vllaznia është sfida hapëse e javës së 13-të, që do të zhvillohet në “Egnatia Arena” duke nisur nga ora 14:00 e drekës. Dy ndeshjet e tjera të kësaj të shtune janë Dinamo City – Partizani, në ora 17:00 në stadiumin “Elbasan Arena”, si dhe Teuta – Skënderbeu në “Niko Dovana”.
Ndërkaq, nesër është radha do të luhen dy ndeshjet e fundit të javës së 13-të. Në ora 14:00, Laçi pret AF Elbasanin në shtëpi në një duel mjaft interesant ndërsa takimi mbyllës i javës do të luhet mes Tiranës dhe Bylisit në ora 17:00 në stadiumin “Niko Dovana”.
