Të flesh në një shtrat me fëmijët mund të jetë një temë për të cilën shumë prindër bien dakord dhe shumë të tjerë jo për arsye të ndryshme. Kourtney Kardashian së fundmi në një intervistë në podcast-in “Him & Her” të Skinny Confidential, foli për rritjen e fëmijëve të saj dhe ka mbrojtur vendimin për të fjetur në të njëjtin shtrat me fëmijët.
Kourtney zbuloi se vajza e saj e madhe, Penelope 12-vjeçare, flinte në të njëjtin shtrat me të deri në moshën 11-vjeçare. Ndërkohë, Kardashian tha se djali i saj më i madh, Mason, 14 vjeç, flinte në të njëjtin shtrat me nënën e tij të famshme deri në moshën shtatë vjeçare.
Çdo person është i ndryshëm dhe çdo fëmijë është i ndryshëm. Për një periudhë kohore të caktuar unë e vendosja në shtrat në dhomën e tij dhe pastaj ai vinte në dhomën time. Por me kalimin e kohës ai ndaloi dhe më tha: “Mbarova me ty. Unë do të fle në dhomën time”.
Më tej ajo u shpreh se:
Vajza ime ka fjetur me mua pothuajse deri në moshën 11-vjeçare.
Djali i vogël i saj, Rocky, po fle gjithashtu në shtratin e prindërve të tij, megjithëse është dhjetë muajsh.
Si nënë, më pëlqen të bëj atë që më duket e natyrshme dhe instinktive. Dhe kjo është për mua. Dua të them, është diçka që gjitarët kanë bërë që nga koha që ekzistonin.
Ndërsa Kourtney është e kënaqur me rregullimin e saj të gjumit për fëmijët, ajo tregoi gjithashtu se nëna e saj, Kris Jenner, ka një mendim të ndryshëm.
