Personat empatik janë ata që i përjetojnë shpeshherë emocionet e të tjerëve si të tyret. Kjo është arsyeja pse njerëzit shpesh u drejtohen atyre për këshilla. Megjithatë, jo të gjithë ata që u kushtojnë vëmendje problemeve të të tjerëve janë empatik. Ka disa shenja të qarta që mund të zbulojnë nëse jeni empatik apo jo dhe disa prej tyre mund t’ju habisin vërtet. Ju njohim me to:
1. Jeni shumë të ndjeshëm ndaj tingujve dhe zhurmave.
Ndjeshmëria nuk kufizohet vetëm tek emocionet dhe ndjenjat, por edhe tek zhurmat e forta, erërat e forta dhe ndjesitë e fuqishme. Ju mund ta gjeni veten duke u mërzitur nga njerëzit pranë jush duke dëgjuar muzikë me zë të lartë ose duke folur me zë të lartë në telefonin e tyre. Gjithashtu, mund të mos ju pëlqejnë shumë erërat e forta dhe të nxiteni nga tingujt që ju sjellin emocione të papritura. Si përfundim, ju jeni të ndjeshëm ndaj shumë gjërave në jetën e përditshme dhe preferoni të mbani tonin e ulët kur bëhet fjalë për zhurmat dhe tingujt e lartë.
2. Intuita juaj është super e fortë.
Ndjenja juaj e brendshme është shumë e fortë dhe ju i besoni asaj sa herë që merrni një vendim. Për disa njerëz, ju mund të dukeni si impulsivë, por në realitet, ju thjesht e dini se vendimi juaj është i duhuri. Nga vendosja se cilin apartament të marrësh me qira deri në cilën rrugë do të ishte më e sigurt për të kaluar, intuita juaj thjesht ju paralajmëron se çfarë të bëni. Kjo është ajo që ju ndihmon të identifikoni kur njerëzit janë të pandershëm me ju.
3. Nuk ia kaloni mirë në vende të mbushura me njerëz dhe ju pëlqen koha juaj vetëm.
Të jesh mes turmave mund të jetë dërrmuese për shkak të zhurmave të larta dhe marrjes së energjisë së njerëzve dhe energjisë së përgjithshme të hapësirës. Pra, nëse diçka nuk është në rregull, mund të ndiheni sikur duhet të largoheni dhe të gjeni një zonë më të qetë. Kjo për shkak se truri dhe zemra juaj shumë e ndjeshme po kapin çdo gjë negative ose nxitëse. Me shumë mundësi, ju jeni një introvert që vlerëson kohën dhe hapësirën personale dhe investon në të. Megjithatë, duhet të keni kujdes që të mos izoloheni shumë nga bota e jashtme.
4. Ju mund t’i zbuloni gënjeshtrat me kilometra larg.
Falë intuitës suaj, mund të ndjeni nëse dikush po tregohet i pandershëm ose po ju mashtron. Ju mund të mos jeni në gjendje të dini se çfarë fshihet në të vërtetë pas gënjeshtrave të tyre, por me siguri e kuptoni se ata po fshehin diçka. Natyrisht, ka raste që njerëzit ju mashtrojnë me sukses dhe kjo është krejtësisht normale.
5. E keni të vështirë të vendosni kufij.
Ju dëshironi të jepni sa më shumë që të mundeni për të tjerët dhe të jeni pranë tyre, edhe kur jeni të rraskapitur. Ju mendoni se vendosja e kufijve do të thotë se po i injoroni ata dhe nuk po kujdeseni aq sa duhet. Kjo mund t’ju bëj ndiheni të lodhur emocionalisht dhe në nevojë absolute për të qenë aty për veten tuaj dhe jo vetëm për të tjerët. Pra, është e rëndësishme të vendosni kufijtë tuaj në mënyrë që të mbroni veten nga emocionet e dëmshme dhe negative.
6. Njerëzit vijnë tek ju për këshilla.
Ju ndoshta jeni një dëgjues i shkëlqyer, i cili nuk e ndërpret personin tjetër dhe i dëgjon me vëmendje problemet e tij. Kjo është ajo që i bën njerëzit të vrapojnë drejt jush kur kanë diçka të rëndësishme për të ndarë pa u gjykuar. Sidoqoftë, duhet të siguroheni që të vendosni limite, pasi problemet e njerëzve të tjerë mund t’ju lëndojnë emocionalisht. Jini shumë të kujdesshëm ndaj njerëzve që përpiqen t’ju manipulojnë.
7. Ju ndjeni atmosferën e një dhome.
Paqja dhe qetësia janë të rëndësishme për ju dhe kjo është ajo që kërkoni kur hyni në një dhomë. Ju pëlqejnë atmosferat e ngrohta me bimë dhe ngjyrat e ndezura. Nëse keni një ndjesi negative, largoheni. Ju ikni nga çdo gjë që duket dhe ndihet kaotike.
