Zotërimi i artit të bisedave të vogla (small talks), mund të hapë dyer, të ndërtojë marrëdhënie dhe t’i bëjë ndërveprimet sociale më të këndshme. Në këtë artikull do të gjeni shtatë këshilla për t’ju ndihmuar të bëheni ylli i bisedave:
1. Bëni pyetje të hapura
Inkurajoni bisedën duke bërë pyetje që kërkojnë më shumë se një përgjigje me “po” ose “jo”. Në vend të “A ke kaluar një fundjavë të bukur?”, provoni “Çfarë bëre gjatë fundjavës?”
2. Tregoni interes të vërtetë
Njerëzit duan të flasin për veten e tyre. Tregoni kuriozitet të vërtetë për përvojat, opinionet dhe historitë e tyre. Kjo jo vetëm që e vazhdon bisedën, por edhe e bën personin tjetër të ndihet i vlerësuar.
3. Dëgjoni në mënyrë aktive
Dëgjimi aktiv përfshin më shumë sesa vetëm dëgjimin e fjalëve. Shoqërojini bisedat me tundje koke dhe mimika, ruani kontaktin me sy dhe përgjigjuni në mënyrë të përshtatshme për të treguar se jeni duke e ndjekur bisedën me përpikmëri. Analizoni herë pas here atë që thotë personi tjetër për të treguar se sa i përfshirë jeni në bisedë.
4. Ndani histori të ngjashme
Kur është e përshtatshme, ndani përvojat tuaja që lidhen me temën. Kjo krijon një lidhje më të fortë dhe e mban bisedën të ekuilibruar, duke mos e lejuar atë të kthehet në një intervistë të njëanshme.
5. Jini të vëmendshëm ndaj gjuhës së trupit
Shenjat joverbale si buzëqeshja, tundja e kokës dhe mbajtja e një qëndrimi të hapur mund t’ju bëjnë të dukeni më të afrueshëm dhe të përfshirë. Shmangni kryqëzimin e krahëve ose shikimin përreth, pasi këto mund të sinjalizojnë mosinteresim.
6. Qëndroni të përditësuar për ngjarjet aktuale
Mos i lini bisedat të mbarojnë. Të keni njohuri të gjerë të ngjarjeve aktuale, kulturës dhe interesave të përgjithshme ju ofron një listë të tërë me tema për të cilat mund të diskutoni. Kështu, do të ndani këndvështrimet tuaja edhe rreth ngjarjeve të tjera.
