Mënyra më e mirë për një qytet për të parandaluar parkimin në vende ku nuk do që makinat të jenë, është të rrisë tarifën aq shumë sa të mos parkojë askush. Kjo u zbatua në Hagë, Holandë. Qyteti vendosi një tarifë parkimi prej 50 eurosh për rrugë të caktuara, përfshirë ato pranë plazhit të qytetit. Nuk ka rëndësi nëse do të qëndrosh 10 minuta apo një ditë, të gjithë do të paguajnë të njëjtën shumë.
![](https://www.dutchnews.nl/wpcms/wp-content/uploads/2018/10/traffic-jam-rain.jpg)
Skema e taksave, do të jetë në fuqi për një vit me qëllim që të dekurajojë banorët dhe turistët që të bllokojnë qendrën historike dhe disa rrugë bregdetare. Nëse do të ketë rezultate pozitive, do të zgjerohet, por përparësi do të kenë banorët e përhershëm dhe bizneset e zonës.
Qytetarët, për më tepër, prej vitesh ankohen se nuk gjejnë vend parkimi në qendër të qytetit. Zyrtarët e qytetit thonë se udhëtimi duhet të bëhet duke ecur në këmbë, me biçikletë, transport publik dhe si mjet i fundit, me makina. Masa të ngjashme janë marrë edhe nga qytete të tjera në Holandë, si Leiden.
![](https://d1gymyavdvyjgt.cloudfront.net/drive/images/uploads/headers/ws_cropper/1_0x0_790x520_0x520_bay_parking_guide.jpg)